大家知唔知現代漢奸咩樣，咪就係羅冠聰咁樣咯。《港區國安法》通緝犯羅冠聰，早前大鑼大鼓咁宣傳自己受邀出席美國牽頭搞嘅所謂「民主峰會」，結果尋晚舉行時，佢只得3分鐘嘅視像發言時間，仲被夾喺兩個討論環節嘅間場發言。即係話，俾大家3分鐘去廁所，呢3分鐘先播羅冠聰喎。再睇仔細啲，當YouTube直播羅冠聰發言時，只得131人喺度睇緊。羅冠聰以為自己好巴閉？其實只係一隻跳梁小丑啫。

3分鐘一講完，羅冠聰用豬骨搭夠，繼續在個人社交網站直播咗十幾分鐘，係咁吹自己幾咁俾心機準備發言，呢次又係幾珍貴嘅機會，而實際上佢嘅發言就係一堆空洞嘅抹黑啫。仲有幾點好值得懷疑，既然係視像出席，遠在英國嘅羅冠聰，使咩特登飛去美國？唔通背後仲有其他不可告人嘅動作？

仲有仲有，一個一事無成，淨係周圍跑唱衰香港嘅通緝犯，邊度來嘅機票錢及生活費呢？佢背後嘅米飯班主又係邊個？呢個人好有問題喎。講到尾，羅冠聰就係一個被通緝嘅重犯，連返嚟香港承擔責任都唔敢，何德何能喺國際上代表香港？算吧啦！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk