//著草走佬都要周年誌慶，究竟許智峯識唔識寫個醜字？//

攬炒派最擅長啲乜？當然係將啲醜事包裝成好事、威水史咁囉！好似雙重通緝犯、前議員許智峯，前幾日趁住著草一年，好「隆重其事」咁喺FB發文PO片，仲話條片係丹麥媒體舊年拍低嘅特輯，紀錄咗佢「公布流亡嘅一刻」，仲話喺丹麥係首次公開喎。

嗱嗱嗱，值得自豪嘅事就話要周年紀念啫，呀許智峯，唔通以為自己係出埠做緊真人騷呀？你係著草嘅通緝犯噃，呢啲羞家嘢都值得「周年誌慶」搞紀念?講返條片，只見許智峯頭耷耷、眼濕濕、口震震咁坐係度㩒電話，好努力咁交戲，奈何啲表情誇張咗囉！

不過，無論許智峯點扮嘢，大家都會記得佢當日係一個為求走佬，不惜欺騙法庭嘅逃犯。若果佢真係好似喺篇帖文裡面咁講，「決心爭戰到底」，咁應該返嚟香港，同班「手足」齊上齊落至啱，佢依家自己喺外國得閒出嚟抽水擦吓存在感，算點先？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk