//美國政府呢場自作多情大龍鳳，真係?爆!仲要有人跟，更加好笑囉!//

國家強大，自然多人眼紅，講緊乜事?講緊國家明年二月喺北京舉辦冬奧會，點知畀自詡為民主大國嘅美國帶頭搞咩咩咩外交抵制，白宮發言人普薩基話因為人權問題喎，唔會派任何外交人員或官員出席，但運動員可以照參賽；仲話咩咩咩喺美國人基因裡面，包括了為人權挺身而出的特性喎!

點知，話口未完就畀中國外交部連環踢爆，中國駐華盛頓大使館發言人話，根本無向美國政界人士發出任何邀請，所謂「外交抵制」，只係憑空而來，認為美國嘅做法，是「自命不凡的行為」及政治操縱，但唔會影響冬奧成功舉辦。外交部發言人趙立堅更加毫不客氣直接了當。趙立堅:「美國政客在未有受到邀請的情況下，不斷炒作『外交抵制』北京冬奧會，完全是自作多情、嘩眾取寵、政治操弄!」

真係?爆!原來都無邀請過你美國官員出席冬奧會，美國政府就急急話唔派官員出席，請問咁點存在抵制先?之但係，美國盟友兼跟班新西蘭就有樣學樣，副總理羅伯遜話唔會派部長級代表出席北京冬奧喎，但諗咗另一個借口，話因為疫情關係，官員應該減少對外行程，仲慌死人話佢哋睇美國頭，強調決定同美國無關喎。你又信唔信?奉勸新西蘭一句，唔好跟車太貼囉，中方講明會對美國有反制措施㗎!

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk