怪事年年有！泛民特別多?踎監踎咗9個月嘅立法會前議員林卓廷，最近叫人公告天下，話佢瞓醫院有幸福感覺喎！唔通個腦出咗問題?

是咁的，林卓廷最近叫人幫佢喺社交平台貼文分享，話佢上星期一晚 (11月29日)要在監獄醫院宿一宵，竟然係佢被還押9個月以來，咩咩最開心嘅一晚喎！究竟發生咗乜嘢事呢?

林卓廷話果日因為單涉嫌違反國安法嘅案件再提堂要出庭，散庭已經好夜，囚車返到赤柱監獄果陣，所有監倉都已經鎖門，懲教署唯有安排佢一車人去監獄醫院過夜啦。佢話一般人或者會覺得瞓醫院好唔老嚟，但佢就因為瞓咗監獄纖維床墊9個月，突然有張有床褥嘅床俾佢瞓一晚，忽然間有「幸福湧上心頭嘅感覺」喎！林卓廷呀林卓廷!所以話失去才懂得珍惜，你同班手足搞亂香港果陣，有冇諗過正在破壞緊好多人嘅幸福呀？一切都係你自己攞嚟!

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk