//都話攬炒派講嘅所謂齊上齊落係笑料一則啦，可惜太多人誤信佢哋，依家恨錯難返//

點解一地花生殼嘅？是咁的、前區議員劉家衡助理李譯喬因襲擊市民罪成，判囚6個2個星期後，李譯喬女友即發炮，但茅頭唔係指向已同老婆摵時潘丟低「手足」著草嘅劉家衡，而係同劉家衡共用議辦嘅另一名走佬前區議員李文浩喎，點解嘅？

都話戴眼識人㗎啦!原來，當日劉家衡密謀同案中另一被告、即係佢自己老婆「搣時潘」著草，丟低被捕嘅助理時，李文浩原來一早知情，但就唔出聲；李文浩本來又應承話有需要時，可以幫李譯喬出庭作供，結果一個屈尾十，佢都靜雞雞走埋佬，依家好得戚咁發咗條千字文回應，大概話無悔為劉家衡走佬保密，又話我都人在英國囉，你威脅唔到我。

李文浩仲話咩咩咩如果佢啲證供咁關鍵，做乜辯方律師唔搵佢攞料啫。唓！你都話人在英國，事不關己咁，點搵你呀？不過，佢都認自己確係答應過可以幫李譯喬做證，但又搬出攬炒派走佬萬能KEY解畫，話因發現被跟踪，所以要走佬喎，又話大家要批評佢懦弱、怕坐監都得。又係嗰句，對於攬炒派嘅齊上齊落，真係認真你就輸喇。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk