//毛孟靜都唔係第一個攬炒派議員，坐監坐得咁開心，希望佢哋喺入面繼續enjoy！//

踎監踎得真興奮?講嘅就係參與舊年泛民「35＋」初選，涉違《港區國安法》、已經還押咗8個月嘅前立法會議員毛孟靜。佢老友、前立法會議員邵家臻前幾日又去探佢，話毛姨姨精神飽滿，面形少少肥咗，又一如以往「動作多多」，咬字仲好清楚添，尤其係講起英文更係令人「無可抗拒」喎！ 

毛姨姨仲話咩咩咩「知道外面好多人錫佢」，千叮萬囑邵家臻要幫佢對外放話，自己「非常正面地面對獄中生活」，獲得前所未有嘅休息和時間，可以「還書債、瞓覺債」咁話喎！照咁睇，毛姨姨真係踎得好享受咁啵，直情好似去左「Prisoncation」！大家真係羨慕都嚟唔切啦！

不過，成個探訪「最重口味」嘅就係，邵家臻話毛姨姨喺探訪結束之前，向佢獻上一個「招牌飛吻」。毛姨姨唔知係真心定死撐，踎監都踎得咁風騷，咁就希望佢求仁得仁，喺入面踎耐啲，令人生更加精彩啦！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk