//走佬咪走佬囉，唔好賴得就賴啦，編咁多理由出嚟，全部都好唔合理喎!//

奇聞!奇聞呀!早前辭任公共醫療醫生協會會長嘅馬仲儀，11月初話走咗去英國，佢終於交代咗4個走佬嘅理由，第一就係香港抗疫差，令佢萌生離開嘅念頭!吓?唔係啩，香港近期幾乎本地清零，相反英國呢排幾乎日日都有三、四萬宗新確診個案，唔通佢抗疫做得好嘅標準，係確診個案越多越好?

咁神邏輯，真係點到你唔服呀吓！至於另外三個理由，就賴「安心出行」，話有私隱隱憂，從來唔用；好多公民團體，好似教協、職工盟、民陣等逐個解散，話咩咩咩社會嘅行政、公義參與倒退緊；仲有就係政府要求公務員宣誓，話份工唔係政治任務，點解要為份工去宣誓？

嘩，講到走佬理由好充分咁？大姐呀，如果你行得正企得正，最後呢三個理由，根本完全唔係問題？不過，佢嘅立場人盡皆知，反修例運動，佢撐黑醫護、又發聲明屈警察「蓄意射傷市民」，更經常抹黑政府防疫、叫人唔好打疫苗，佢呢係咪政治凌駕專業先?都係嗰句，好行夾唔送，最緊要唔好返轉頭，留喺英國專心抗疫啦!

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk