//乜嘢係大難臨頭各自飛？白鴿黨為大家做咗一次完美示範//

講錢真係失感情！白鴿黨近日有人放風話財政告急，撲水又無望，仲話最多只能捱多一年，要研究縮減對在囚黨友包括胡志偉、尹兆堅、林卓廷同趙家賢嘅財政支援、即係俗稱嘅安家費。雖然，呢班人踎監係自己攞嚟衰，但攬炒派之前咪好鍾意講撐到底、齊上齊落咩？

呢頭有人放風，白頜黨嘅財委會召集人袁海文就打正旗號同傳媒講，財政真係好困難、接近零收入，雖然會努力開源節流，仲已經接觸過受影響的在囚人士，佢哋都話好理解喎，但係就叫個黨「計好條數」後，都會願意共渡時艱嘅。「計好條數」呢四個字真係可圈可點啫，係咪即係叫個黨計清楚條數先再嚟講啦！

睇嚟呢個放棄「踎監手足」大計似乎勢在必行，但嗰頭又遇到好大阻力喎，因為副主席梁翊婷表明:我反對！佢仲話無論點都要頂到白鴿黨頂唔順喎!至於點頂落去呢?佢又無講噃，睇嚟白鴿黨內部可又要上演一場惡鬥嘞！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk