//好似梁頌恆呢啲欠錢唔還嘅爛仔，就算真係瞓街都唔抵可憐！//

班反中亂港政客邊個最厚面皮？潛逃美國嘅「港獨友」梁頌恆認第二冇人敢認第一。佢最近喺一個網台節目話自己舊年流亡美國初時，喺欠缺當地信用分數嘅情況下，好難租屋喎～後尾要靠移居美國多年嘅港人幫佢做擔保，先至唔使瞓街咁話。佢仲懶醒話度到條好橋，先搵有信用分數嘅人租屋，再分租俾其他「手足」，咁就可以避開信用評分。睇嚟佢去到美國都想繼續呃呃騙騙！

梁頌恆喺美國拎唔到信用評分，真係一啲都唔出奇，因為佢本身就係一個「破產人士」。事關佢喺2016年被褫奪立法會議員資格後，就一直拒絕交還立法會93萬元酬金，仲擺出一副欠債不還嘅賴皮嘴臉。鑑於梁頌恆被判定破產，搞到立法會要放棄向佢採取追討行動。嘩嘩嘩，大嗱嗱近百萬公帑，就咁樣俾一日議員都冇正式做過嘅梁頌恆「走數」，真係同倒錢落海冇乜分別！

梁頌恆喺香港已經係人人喊打嘅「過街老鼠」！根本冇晒信用！無論「走佬」到邊度，呢份劣跡斑斑嘅「信用報告」都唔會改寫。話時話，真係要同嗰位幫梁頌恆做擔保嘅好心人講一句：自求多福，快啲割席啦！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk