//丘文俊如果真係咁掛住香港， 咪返嚟囉，又有親友又有「手足」，做咩一個人匿喺英國傷春悲秋啫？//

攬炒派政客之前個個講到好推崇歐美，但一輪到自己著草去海外就灰爆。曾經協辦泛民「35+」初選票站嘅沙田前區議員丘文俊，喺今年7月政府要求區議員宣誓前就已經辭職。佢今個月1號喺社交網站透露，原來3個月前就靜雞雞去咗英國。話咩咩咩「一個人嘅流亡，相當痛苦同煎熬。無時無刻不想念香港，但因為政權逼害而離開」喎，仲好文青咁學人寫詩，「走，是那麼地孤寂；走，是如此地無奈；走，是多麽地委屈，呢一別，可能係永世相隔」喎。

講到呢度，傷春悲秋嘅佢仲透露，「當思考到死胡同，走不出困惑，高山斷崖絕壁，好想一躍可以解憂」。嘩，年輕人，又唔使咁諗唔開嘅。咁做係解決唔到問題嘅，其實如果真係咁掛住香港， 返來咪得囉，又有親友又有「手足」，做咩一個人匿喺英國啊？

不過即使咁孤寂、咁悲觀，丘文俊都唔忘喺英國繼續搞搞震。一時又喺社交網站貼「光時」口號，一時又呼籲「全民杯葛立法會選舉」，仲唱衰香港話咩咩咩「比北韓更專制」。嘩，睇嚟佢真係死性不改囉。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk