//鄒幸彤呀鄒幸彤，話晒妳都算係踎緊監吖，唔係想點就點㗎？//


乜嘢叫做江山易改，品性難移呢？前支聯會副主席鄒幸彤都算係人辦喇！佢因為涉及煽動顛覆國家政權等控罪，依家被還押喺茘枝角收押所度，但就依然咁鐘意搞事。佢搵人尋日係社交平台貼文，投訴懲教院所攔截晒出面寄俾佢啲信喎！話咩咩咩由10月中開始，已經有超過30封咁多，仲話唔知信入面有乜內容會影響監房嘅秩序，搞到懲教署要咁做喎~


懲教署就重申，如果寄俾在囚人士嘅信，對任何人嘅人身安全或對院所嘅保安、秩序同埋紀律造成威脅，署方都可以截留，然後退返俾發信人或者銷毀。嗱嗱嗱～鄒幸彤依家係妳涉嫌犯法被收押，都仲要透過探訪者再經社交平台質疑署方嘅決定，唔通妳「大晒」想點就點咩？妳係唔係想喺監獄度搞煽動先？


哇哇哇～鄒幸彤仲質疑懲教院嘅審信標準係咪突然收緊咗添~鄒幸彤呀，監倉唔通俾妳用嚟搞「筆友會」同郵局信箱咩？唔好忘記妳牽涉嘅係國安重罪呀！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk