//陳家洛講到香港情況咁恐怖，咁點解唔走呢?好行夾唔送噃!//

唔知就俾佢嚇死，知就比佢笑死，神隱多時嘅過氣政客陳家洛，最近又出來獻醜！佢同綽號「城大粗口女」、啱啱喺希臘雅典因抗議北京冬奧被捕嘅邵嵐，參加咗一個由非政府組織「亞洲自由民主選舉網絡」舉辦嘅網上論壇，仲以所謂「留下來的人」嘅代表身分透過視像講嘢。陳家洛當然一貫其販賣恐懼嘅風格，形容「香港正走向專制極權，就連司法系統，也逐步實行威權社會嘅嚴刑峻法管治。」

呢位過氣政客仲話，喺香港，「高質素民主新時代」已淪為笑話和謊言、仲要「勉勵港人要克服恐懼」，又話「覺得仲有民主夢嘅香港人會有機會再站出來」云云。咪住先，陳家洛係咪搞錯咗啲嘢，若果你從來無做過分裂祖國、危害國家安全嘅違法行為，一向奉公守法，無理由要恐懼喎？仲叫人站出來，係咪又想精人出口，笨人出手呀?

若然香港真係好似佢講到咁惡劣，點解佢仲可以得閒出嚟恐嚇下香港人、向外國唱衰吓香港，呢啲唔知算唔算係自由呢？仲有仲有，陳家洛仲係香港浸會大學嘅副教授，每個月至少成八萬蚊人工、另外仲有其他津貼，如果香港真係咁難捱，日日要擔驚受怕，點解硬係要留喺香港「受苦」，仲唔速逃呢?

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk