//以為效仿喺香港示威搞事當冇事？點知犯法被拉係國際慣例，即使攬炒派最推崇嘅西方民主國家都唔會容忍搗亂行為！今次真係醜出國際喇~//

一隻過街老鼠嘅命運，就係去到邊度都唔受歡迎，講嘅就係因為爆粗辱警阻執法，而臭名昭著嘅前城大學生會外務副會長邵嵐。根據外媒報道，邵嵐為咗呼籲杯葛明年初北京冬季奧運會，夥同另外一個藏族嘅女學生，以付費顧客嘅身份混入希臘雅典衛城，喺北京冬奧會火炬交接現場搞示威。佢哋兩個爬到鐵棚架上，先試圖拉橫額，被保安人員收走，之後又舉「光時」旗同被視為藏獨嘅「雪山獅子旗」，仲大嗌口號，結果當場就被雅典警方拉咗喎。

邵嵐被希臘警方拘押超過一日之後獲釋，可以離開希臘。有美國國籍嘅佢即刻喺社交網站更新狀況，懶得戚咁話已經返到美國。佢仲大呻喺希臘被捕後，從朝早到夜晚，希臘警方都冇提供食物，期間更懷疑自己被希臘情報人員盤問，擔心希臘會受到中國影響喎。

嘩嘩嘩，以為效仿喺香港示威搞事當冇事？點知攬炒派口中最民主自由嘅西方國家，都唔會容忍呢啲搗亂嘅行為！犯法被拉係國際慣例，自己醜出國際仲想老屈，將責任推俾「中國影響」？咪搞陰謀論喇！仲有啊，唔好以為持著美國國籍嘅光環就可以打橫行，邵嵐雖然被希臘警方釋放，但明年1月都要再訊，仲有手尾㗎。講到尾，無論喺邊度，乖乖做個守法公民，都係世界標準嚟㗎。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk