//黃之鋒生日，一班跑到英美嘅賣國者講句「精神同在」就算祝福？手足情誼真係得把口喎。不如返嚟幫佢賀壽，用行動支持最實際呀嘛。//


10月13號唔單係打風俾全港打工仔嘅休息日，仲係一個人嘅25歲生日。噹噹噹噹，就係踎緊監嘅前香港眾志秘書長黃之鋒！呢個反中亂港嘅年輕頭目，就算坐監都一樣好巴閉，收到好多已經著草海外嘅手足祝福喎！


首先係《港區國安法》通緝犯，喺美國申請政治庇護嘅張崑陽。佢話黃之鋒一路好孤獨，希望佢得以自由嘅時候重新睇呢段歷史，知道大家一直都在喎。而同樣係國安法通緝犯，走佬到英國嘅羅冠聰就話，隔住半個地球同黃之鋒講「生日快樂」，會唔會被視為害咗佢嘅一步呢？仲話咩咩咩「精神上，我哋永遠都連埋一齊」。喂，你哋兩個有無義氣啊，跑到英美逍遙自在，講句「精神同在」就算？手足情誼真係得把口喎。既然咁掛住黃之鋒，呢班賣國者不如返嚟幫佢賀壽喇，畢竟用行動最實際呀嘛，到時記得帶返份賀禮喎!


手足齊賀壽，身為壽星嘅黃之鋒都要撲出嚟講幾句嘅。佢社交網站上傳獄中信件，話甚為感激大家關心，又回憶起過去好幾個生日，好似坐過山車咁動魄驚心。話「有天得以重逢，再相見。」不過佢涉包圍警總案、反蒙面法遊行及六四未經批准集結案，總刑期加埋達到27.5個月，仲有個泛民「35+初選」案未開審。睇嚟想出獄「重逢再相見」，都遙遙無期囉。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk