//民主黨為黨員參選立法會設下重重關卡，結果無人報名參與選舉甄選，可謂求仁得仁，但係作為政黨唔參選，仲有存在價值嗎?會唔會引爆退黨潮呢吓?//

最新消息、最新消息!民主黨黨內部甄選參選立法會，噚日傍晚截咗止報名，結果就係一如所料，民主黨主席羅健熙:「所以結果是民主黨今年立法會選舉，如無意外無我們的代表參選，無一個人可過提名門檻，也沒有特別需要表態是否參選。

真係奇聞，話晒係一個政黨，竟然無黨員有興趣選立法會，仲咁理直氣壯?是咁的，民主黨之前召開會員大會話要決定參選意向，結果係決定個黨唔表態，即係唔負責任。明白嘅，話選又怕得失支持者，話唔選，都係會得失支持者，唯有……

但係佢哋又戴定頭盔，橫空加插提高甄選門檻，話有意參選啲黨員喺5個地區支部攞夠40個提名，再報備中委會，然後開特別會員大會畀黨友質詢，再決定係咪畀黨員參選。

點解死路一條?聽民主黨元老李華明講都知啦，作為政黨加插關卡阻黨員參選，無立法會議席，憑乜代表市民?李華明心灰意冷咁話，個黨唔參選，專責為個黨籌款嘅自己，留下來都無乜用，言下之意好明顯，至於其他乳鴿或老鴿會唔會跟住跳船，大家拭目以待。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk