//林卓廷話做議員嘅時候忙於開會、見市民、社會參與，冇時間健身，依家可以隨心做運動。嘩！咁嘅大話都講得出？//

住喺監獄嘅攬炒派政客生活真係超豐富，前有胡志偉計劃喺獄中讀學位，後有毛孟靜教英文，最新係林卓廷話做健身達人。是咁的，因參與泛民「35+」初選，涉違反《港區國安法》被還押嘅前立法會議員林卓廷，已經踎監大半年。佢嘅社交網站更新近況，話林卓廷喺監獄中積極健身，每日起床喺倉內做120下掌上壓、500下上腹sit up、再加來回跑，仲講到已經見到朱古力嘅雛形喎！嘩，唔通出獄之後，我哋要見到個肌肉林卓廷？

林卓廷話，咁積極做運動除咗為鍛鍊身體，亦感受到剎那自由，可以努力撐落去。仲話咩咩咩以前做議員，忙於「開會、見市民、社會參與」，無咩時間健身。依家入監獄，反而可以隨心做運動喎。唔係呀嘛，林卓廷係咪講漏咗，佢明明係忙住「開會時搗亂、見市民搞對立、參與社會示威遊行」咋喎。

坐監又可以學習、教英文、練肌肉，唔通真係應咗個句「留案底令人生更精彩」、「坐監係人生巔峰」？咁就要祝願林卓廷好好享受獄中生活，比心機勤操fit繼續做健身達人，唔好咁快出嚟喇。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk