//「尊貴」嘅前立法會議員許智峯今時唔同往日，一班後生仔喺「香港民主委員會」嘅位置都高過佢，唔知佢會點諗呢？//

因為涉嫌違反《港區國安法》，被列入香港警方通緝名單嘅前立法會議員許智峯，去年12月就宣布流亡海外，至今已經約10個月，依家喺澳洲嘅佢，話就話咩咩咩打國際戰線。不過，近排焦點都落晒喺其他《國安法》通緝犯嘅「手足」度，許智峯？就嚟冇人識啦。

冇人知佢乜水，冇晒影響力，啲外國政客仲會騷佢咩？唔得！即刻刷個存在感先！許智峯喺10月1日話，自己喺澳洲出席香港人集會，聲稱要同維吾爾人聯手抗議中國打壓人權咁話，更加慫恿當地澳洲人，去騷擾其他中國人喎。

一個堂堂「尊貴」嘅前議員，竟然要喺澳洲街頭玩呢啲爛仔手段，真係好失禮囉。唔單止咁，喺曾協助推動美國通過涉港法案嘅反中亂港組織「香港民主委員會」入面，主席係周永康，總監係梁繼平，羅冠聰係顧問團召集人，而許智峯竟然只謀到10名顧問中一個小小小小小顧問嘅身份，地位低成咁，真係茄喱啡、路人甲都不如。不過講到尾，呢班人都係美國嘅棋子，被人用完即棄，都好正常嘅。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk