//奉勸呢位李文浩，多行不義必自斃，缺乜嘢都唔好缺德。畢竟等你一朝落難，人哋可能都會咁對你嘅~// 

咩叫人無恥，便無敵。講嘅就係臭名昭著嘅深水埗前區議員李文浩。水警總區女高級督察林婉儀執勤時不幸殉職，李文浩竟然超冷血咁撲出嚟抽水！佢哋言論立即引起群情湧湧，有市民及團體表示已經向警務處舉報，鬧爆李文浩煽動仇警言論，涉嫌違反國安法。不過李文浩完全唔知死，仲好囂張咁話過去都被舉報過好多次，但至今都未被捕，唔係因為對方欠缺法律常識，就係警察俾佢逍遙法外喎。

數返呢個李文浩嘅黑歷史一大堆，曾經喺辦事處門上張貼「藍絲與狗不得內進」告示，又講過咩咩咩「國際間中國人三隻字嘅聲譽等同過街老鼠」。早前政府安排區議員宣誓，佢又牙斬斬咁拒絕，直接喪失區議員資格。依家又喺度挑機，話「一封律師信都收唔到，警方都冇搵過我」。嘩，一個前區議員咁嘅質素，真係好失禮囉。

不過都要奉勸呢位李文浩，多行不義必自斃，缺乜嘢都唔好缺德。畢竟等你一朝落難，人哋可能都會咁對你嘅。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk