//一個著草海外嘅國安法通緝犯，睇嚟唯有靠呢啲伎倆維持熱度。唔係嘅話，點樣繼續呃人呃贊助啊？//

咩叫「死雞撐飯蓋」，講嘅咪就係《港區國安法》通緝犯羅冠聰囉。外交部日前列出，102條美國干預香港事務清單，證明美國支持反中亂港勢力嘅惡行，條條都係證據確鑿。作為被清單中提及次數最多，達到八次嘅名字，羅冠聰可能覺得自己好有面，所以急急撲出來回應博眼球。話咩咩咩清單「牽強附會之程度，引人發笑」，「有正常邏緝思維嘅讀者，都理解清單所寫之行徑係國際慣例」，仲話係「謊言清單」喎。

嘩嘩嘩，照羅冠聰咁講，佢同黎智英、黃之鋒、郭榮鏗等一班人，跑到美國去唱衰香港，要求人哋通過涉港法案，制裁中國，兜售「港獨」，全部都係國際慣例、係謊言呀？你試下搞制裁美國，睇下美國政府會點做？

早前羅冠聰趁著中秋節，從英國飛到美國華盛頓，同周永康、張崑陽、梁繼平等一班亂港分子，被揭發涉嫌藉助「香港民主委員會」搞國際線大台，打正旗號賣國賣港，甘心做美國棋子，依家又捂住良心咁抨擊外交部事實清單，真係面皮幾呎厚。不過一個著草海外嘅通緝犯，都唯有靠呢啲伎倆維持熱度，唔係嘅話，點樣繼續呃人呃贊助啊？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk