//九龍區5區區議員今日宣誓，唔知道今日之後，最終有幾多攬炒派區議員留得低呢？//

第二輪區議員宣誓今日喺北角社區會堂舉行，涉及九龍區5個區議會共56名現任區議員，當中27名屬於民主派。不過，深水埗區議員李文浩琴晚「率先」喺社交網站搶閘表態，話拒絕宣誓，換言之，佢即時被DQ

李文浩：「現在擺明車馬，我的意思是不會宣誓的了，我想歷史留記錄！」

係呀！歷史真係會留記錄，就係記得舊年佢喺議員辦事處外張貼「藍絲與狗不得內進」嘅告示，惹起軒然大波。佢呢啲所在所為，又點適合繼續做區議員呀?睇怕佢都心知肚明自己無得留低，所以至等到最後一刻至話拒絶宣誓囉。

其實，九龍區5區入面，都有唔少被DQ「高危一族」，包括涉及參與「35+」初選被捕嘅民主黨油尖旺區議員涂謹申、曾借出議員辦事處作票站的民主黨副主席、觀塘區議員梁翊婷、仲有都係因初選案被拘控嘅深水埗區議會劉偉聰，佢哋雖然有去宣誓，但最後因為宣誓有效性存疑，10個區議員要補交資料，涂謹申、梁翊婷、劉偉聰都榜上有名，仲有七警案「主角」曾健超添。佢哋最終係咪過關，就要拭目以待啦！不過，若然佢哋全部被DQ，對香港可能係好事喎！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk