//中國維權律師關注組呢頭話回覆警方，嗰頭就宣布解散兼董事跳船，真係快到呢！點解呢?//

埋嚟睇、埋嚟睇最新嘅跳船二人組啦，中國維權律師關注組宣布解散，並已經啟動自動清盤程序，關注組董事辭職，其實做主席嘅何俊仁一早已極速跳船，而家就輪到包括劉慧卿等董事跳埋一份。

警方上月25日要求關注組提交相關業務資料，關注組話已經於最後限期前回覆，但就冇講明係咪交咗資料，然後就冇交代原因自行宣布散解。咁急為乜呢?其實，呢個2007年成立嘅組織，表面就話關注中國維權律師權益，實際就係借意攻擊中國政府體制，影響香港人對中國政府觀感，政治目的極明顯。關注組的所作所為更加有可能違反國安法。

咁就解釋到點解要極速解散，連社交專頁帳戶亦已被刪除。而有多案在身、正在服刑嘅關注組主席何俊仁，更加係關注組宣布解散前已跳船，佢呢排亦好忙咁表演連環跳船，之前 已辭任華人民主書院董事、支聯會主席。至於關注組董事劉慧卿就表現慌張，有傳媒向佢查詢情況時，佢就話律師建議佢封口避談喎，大家知道發生乜事啦!

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk