//一盒四個迷你月餅竟然賣208元？「手足」嘅錢真係咁好賺？係撐「手足」定掠水啊？醒目嘅市民，你明嘅。//

今日係中秋佳節，梗係要一家大細團團圓圓賞月過節。但係仲有一班人，連食月餅都要搞搞震。講嘅咪就係所謂嘅「黃色經濟圈」囉。有一個網上平台，聲稱同十幾間黃店合作，推出咗一款「初心月餅」嘅流心奶黃月餅。話咩咩咩「元朝嘅時候，食月餅係用嚟傳遞抗敵字條」，要大家食到呢個月餅，記起200萬人團結嘅初心喎。哇哇哇，唔通當自己係朱元璋要起義咩？

仔細睇呢款月餅，原來好有問題。唔單餅面印住「初心」嘅字眼，盒內仲附上一張「黑暴女神」形象嘅文宣圖，真係黃到上晒腦。而一盒淨係得四個月餅，每個只有50g嘅迷你款，竟然要賣208元！「手足」嘅錢真係咁好賺？係撐「手足」定掠水啊？

網民：傳統月餅是4兩，即是200g，如果初心月餅只有50g，最好標明係迷你，怕取貨時使人失望。

網民：好唔好食先

網民：一定唔買！

仲有仲有，唔知係咪心虛驚犯法，呢款月餅要喺網上預定後，去16間線下嘅黃店取貨。但有網民話去到店舖被告知並無幫訂，仲有啲貨需要喺港鐵站交收。賣月餅賣到咁神秘咁鬼祟，何必呢？呢幾年打著「黃色經濟圈」旗號做生意開店、開餐廳嘅案例都唔少，最後好多被曝差評或者經營不善。呢啲政治上腦搞對立、發黑暴財嘅生意真係有運行？醒目嘅市民，你明嘅。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk