公民黨黨魁梁家傑又發表膠論；事關李克強總理講明堅定不移咁貫徹「一國兩制」、「港人治港」、高度自治方針，嚴格依照憲法和基本法辦事，橫睇點睇，言論正常過正常，點知阿袋巾居然歪曲哂成件事。

梁大狀啊梁大狀，你唔好屈得就屈喎；難怪你個黨友湯家驊即晚忍唔住响facebook反駁你嘅膠論嘞。湯家驊直接了當批評梁家傑「點樣解讀唔一定是要『以一國壓倒兩制』」，仲鬧佢，政府尊重憲法及基本法，係憲政嘅首要要求，亦是法治之本；湯家驊又勁鬧喺咁重要嘅議題上言行偏頗，失信於民！嘩，真係可以話湯家驊狠狠咁摑咗梁家傑一大巴呀。

想當年，湯家驊同梁家傑都做過大律師公會主席，又一齊創立公民黨，點解其中一個會攪到今時今日咁嘅樣架？ANYWAY，湯大狀，呢個like，值得畀你嘅！