//鄭松泰想「洗底」嘅意願都好明顯啦！不過相信好多人都唔想佢再踏足政壇。//

前立法會議員鄭松泰於2017年時曾經就佢倒插國旗案判決時回應話：「今日呢個判決，我覺得係荒謬嘅。」

又係時候大家埋嚟食花生喇！乜嘢叫做今日的我打倒昨日的我，早前畀資審會裁定當然選委無效，連議員資格都即時冇埋嘅鄭松泰，有完美演繹。佢2016年10月中喺立法會倒插國旗區旗，翌年被判罪成時仲死不悔改，時至今日又轉口風喇！佢接受電視台訪問回顧議員生涯時，就重提倒插國旗區旗呢件事，仲話：「真是最低能、最小朋友。」吓，會唔會太後知後覺呢？

佢又話咩咩倒插國旗區旗案係深刻教訓，但講起佢出爾反爾嘅行徑，又點止一單吖。鄭松泰一直自吹自擂話自己屬本土派，同成班泛民表面上撐黃色經濟圈，但生日果陣就買咗個美心蛋糕慶祝，結果被黃人鬧爆，佢當時就好得戚咁以一句：「係啊，好食」，回敬網民。

由於被DQ喺5年內都唔准參選，會否東山再起？鄭松泰喺訪問中就話，呢一刻唔排除任何可能，又形容自己是暫別政壇喎，不過相信大部分港人都希望佢永別政壇。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk