//鄭松泰轉軚咁叻，唔做議員做運輸都好啱佢，弊在佢做事出位，大家喺馬路上遇見佢駕車，都係避之則吉！// 

有花生食有花生食！原本係熱血公民主席嘅立法會議員鄭松泰，早前畀資審會裁定當然選委無效，連議員資格都即時冇埋，兩個月人工、津貼同約滿酬金就咁泡湯，果度大拿拿至少有110萬元，最攞命係 5年內都唔准參選立法會，經常有反中亂港言行嘅佢，淪落做「多失」青年，唔通真係時辰到？因果報應？ 

鄭松泰回應被DQ時仲懶叻，自稱「非常合乎愛國愛港資格」，但又話尊重資審會決定，佢轉軚轉得咁快，唔怪得冇幾耐就自爆搵到工啦! 是咁的，佢喺社交網站帖文度，貼咗一張佢轉咗去做物流運輸嘅照片，即係做司機送貨，仲話咩咩咩「第一單Job車玩具」，間物流公司係佢嘅熱血公民兄弟有份經營。話時話，鄭松泰「轉呔」技術咁高超，運輸呢一行真係好啱佢喎~

鄭松泰喪失尊貴立法會議員身份後，佢原本加入成為委員嘅《2021年電訊(修訂)條例草案》委員會，就因為唔夠人數成立唔到，佢做主席嘅熱血公民都跟住摺埋， 所以話做人過晒火位同駕車一樣，都會累己累人。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk