//著草去英國嘅政客，羅冠聰、李永達、陳家駒，仲有「8.31」太子站嘅「死者韓寶生」，真名係王茂俊。呢班人會唔會中伏？又會唔會跑出來賣慘求包養？//

大鑊喇，大鑊喇！英國首相約翰遜宣布要向國內嘅勞工階層、僱主同部分投資者加稅喇！預料呢個喺明年四月會生效嘅加稅措施，有2500萬個在職人士都會受影響，一個年薪2萬1千英鎊嘅英國人，要付多180英鎊稅喎。但呢個消息同香港人有咩關係呢？醒目嘅你梗係聯想到揸BNO護照、移居到英國嘅港人喇，因為佢哋移居當地滿183日後，就被視為英國稅務居民。

早前一班港人賣晒家當，離鄉別井，拋低年長嘅老人家，係都要用BNO移居去英國做二等公民。唔單要面對英國嘅疫情風險，經濟衰退，依家仲要行路打倒軘，分分鐘交更高嘅稅。按照英國首相約翰遜之前所謂嘅「Global Britain」，即「全球化英國」策略，仲喺香港嘅BNO持有人可能都要中伏?，會唔會有一日要收埋「Global Tax」全球稅啊？

仲有一班著草去英國嘅政客們，咩羅冠聰啊、巫堃泰啊、李永達啊、陳家駒啊，仲有8.31太子站被造謠嘅死者「韓寶生」，真名係王茂俊都喺英國。唔知呢班人嘅生計會唔會受影響？會唔會中咗伏呢？到時又會唔會跑出來賣慘求網民包養呢？真係要買定花生等睇戲囉！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk