白鴿黨內訌風波又有花生食！是咁的，早前暗串民主黨副主席李永達著草去英國，係「叫人衝、自己鬆」嘅黨中委蘇逸恒，俾正喺還押嘅黨友尹兆堅鬧爆。尹兆堅不點名炮轟有人係「契弟」，講得咁難聽，蘇逸恒有無面啊？喺尋日一個民主黨記者會上，蘇逸恒被問到呢件事，一路閃閃避避唔回應，到記者會完場後終於忍唔住出聲，但就話「冇咩特別，尹兆堅都唔係話緊我」喎。

其實成件事嘅起因，係立法會選舉12月就要舉行，不過民主黨內部對於係咪參選仲未有共識。呢個關鍵時刻，副主席李永達竟然靜雞雞拋低老婆及黨友，著草去英國，搞到「主選派」嘅蘇逸恒出帖暗串。不過蘇逸恒除咗被尹兆堅鬧「契弟」、「機會主義者」之外，仲被還押緊嘅林卓廷話，係「絕少數人擁抱『完善』後嘅選舉制度謀上位」喎。

學網民話齋，《港區國安法》及完善選舉制度真係一面照妖鏡，只係參唔參選及一句「契弟」，就搞到白鴿黨不停內鬥，家不成家。之後仲有幾多花生？大家慢慢睇喇。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk