//毛姨姨又識得fashion，又有語言優勢，咁​就要慢慢坐監囉~//

坐監都唔忘貪靚嘅，唔止小公主周庭一個人，仲有毛孟靜。因參與舊年泛民「35+初選」，涉違反《港區國安法》被控串謀顛覆國家政權罪嘅前立法會議員毛孟靜，已經還押咗將近半年。前立法會議員邵家臻尋日喺社交網站透露毛孟靜嘅「坐監半年記」，形容毛孟靜以前鐘意著灰色衫，因為覺得灰色好「高貴」，但依家四圍都係「灰色嘅窗閘鐵枝，灰色嘅櫈床地門，覺得呢張灰色嘅網倒胃」，以後要再諗諗係咪要著灰色了喎。

哇哇哇，踎監都仲有時尚觸覺，真不愧係毛姨姨。但係你嘅監獄好友楊岳橋唔係話過，「留案底令人生更精彩」，「金主」黎智英仲話「坐監係人生巔峰」，點解毛孟靜會咁灰嘅？唔通係佢哋呃你？

邵家臻仲透露，30年前離開法新社後已經冇用過法文嘅毛孟靜，喺監倉入邊正在努力重溫法文。英文都好叻嘅佢，仲同監倉內嘅年輕人開英文班?！又識得fashion，又有語言優勢，咁毛孟靜就要慢慢坐囉！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk