//答案好明顯啦，仲要問?梁家傑係咪咁無自知之明?//

大家仲記唔記得香港有個政黨叫「公文袋」? SORRY，係公民黨至啱。呢個幾乎已經散晒嘅政黨，身為黨主席的梁家傑竟然仲要公開問，個黨咪要「自摺」?

是咁的，好耐無蒲頭嘅梁家傑，近日出席一個青年峰會，被問到今時今日香港社會係咪仲需要有公民黨?梁家傑就話咩咩進入議會只係其中一個手段，又話咩咩希望覓同路，構建公民社會新空間!之後仲越講越遠，為前主子黎智英講好話，話毒果停運係政府無同市民溝通，質疑因為咁造成移民潮喎。

多謝晒!香港實在唔需要一個攪亂社會嘅公文袋囉!不妨回帶返到去年11月，人大常委會通過有關本港議員資格後，政府隨即宣布取消4名立法會議員資格，當中有3個都係公文袋黨員，包括楊岳橋、郭榮鏗同郭家麒，之後楊岳橋、郭家麒同另一名公文袋議員譚文豪，因涉嫌參與違法35+初選被拘押、齊齊退黨之餘，佢哋都建議解散公文袋，但梁家傑當聽唔到。加上郭榮鏗著草加拿大，即係公文袋喺立法會議席已清零，啲區議員又係咁辭職同退黨，一年唔夠至少30多人跳船自保。如此境況，梁家傑仲要問係咪要「自摺」?答案唔係已經好明顯咩?

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk