//郭榮鏗曾經停擺立法會內會，咁都獲頒法治獎，仲未計佢在反修例風波期間，縱容暴力橫行，一直都冇譴責暴徒，咁搞法，法治好唔值錢啫。//

已經「走佬」、正身處加拿大嘅公民黨前法律界議員郭榮鏗，日前獲英聯邦律師協會頒發，第5屆英聯邦法律會議法治獎。主辦方喺聲明入面形容，郭榮鏗係律師同埋民主派領袖，以和平、非暴力抗議，多年嚟組織律師多次「靜默遊行」，以抗議佢哋口中嘅所謂「惡法」喎~仲讚佢關注弱勢社群權益添～

哇哇哇～郭榮鏗之前身為立法會法律界議員，佢喺主持立法會2019-2020年度內務委員會正副主席選舉嘅時候濫用權力，同其他攬炒派議員拉布拖延選舉程序，前後經歷咗19次會議都無結果，令內委會停擺超過7個月，佢仲曾經參與拉布阻止《國歌法》通過，衝擊主席台，搗亂內會，相信大家對呢啲情景都仍然歷歷在目，咁樣都叫和平？呢啲令人製造衝突的行為唔通就叫法治？主辦方頒呢個獎俾郭榮鏗，簡直係名不正言不順啦～

唔止咁樣，郭榮鏗明明破壞香港法治，仲竟然有美國大學搵佢教香港同亞太地區嘅法治。繼哈佛大學之前將佢列為亞洲學人，最近喬治城大學沃爾什外事學院亦委任佢做亞洲研究項目嘅傑出學人。公告仲話郭榮鏗致力推動香港法治、維護人權同埋司法獨立～真係荒天下之大謬，係咪教人拉布、無差別否決政府議案同呼籲制裁自己國家呢？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk