//次次都問手足撲水，點解今次唔搵番你好兄弟劉家衡找數？//

消費券到手，攬炒派見錢眼開，唔少人更趁機撲水，大打手足荷包主意。曾經喺議員辦事處外，張貼「藍絲與狗不得內進」告示嘅深水埗區議員李文浩，日前喺Facebook發文，話因為政府「有意冇意咁打壓」，要墊支幾十萬蚊營運開支，仲話因此「接近耗盡積蓄」。

李文浩仲話，因為要繳交結束辦事處租約賠償金，所以決定出售「辦事處紀念啤牌」籌錢。每副 啤牌叫價250元，李文浩話唔想定價太低，因為唔想太多後生仔幫襯喎！不過，再睇真啲副啤牌，圖案全部都係暴動人物，買咗隨時一身蟻，究竟仲有冇人會買？呢招掠水填氹？即係搵人笨啦！

回帶睇番，李文浩今次撲水，主要係佢好兄弟劉家衡靠害。是咁的，李文浩原本同劉家衡組成聯合辦事處分擔租金，因為劉家衡辭職，同老婆潘書韻，即果個網紅「搣時潘」著草，李文浩聲稱為咗避免違反租約，所以硬啃全份租金，又話辦事處雖然已經解散，但四年租約未完，仲要支付一筆賠償金喎！其實劉家衡Facebook仍然有營運，之前仲拍片搲銀，點解唔問番呢個兄弟追數？如果真係要做找數真漢子，自己租金就應該自己畀啦 !

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk