//教協過去搞政治仲多過做教育，呢個組織一日仲係由馮偉華、葉建源等人把持，無論最近點樣「跪低」，本質都唔會變囉～//

講到盲撐喎，中大高級講師蔡子強係高手中的高手！是咁的，教育局早前同教協「斷交」後，教協隨即連環跪低，包括退出職工盟、急推中國歷史文化工作組認識國情。本身係教協會員嘅蔡子強就即刻撲出嚟，話咩咩咩「能做讓步都做了」，希望「北京及特區政府留有餘地」喎
 

咁都未算，蔡子強仲話教協的讓步，例如退出職工盟，在數年前係匪夷所思咁話。確實係匪夷所思!就係因為教協過去的作為種下匪夷所思的因，就有今天匪夷所思的果囉! 佢話晒係大學講師，呢啲因果關係，唔係唔明呀?

教協過去政治騎劫教育，包庇幾多失德教師、荼毒幾多學子，大家有眼睇嘅，但蔡子強仲死撐話教協喺「現時政治非常時期有壓力」?請問是誰搞到香港落入「政治非常時期」呢？蔡子強講到教協做咗好多咁，但一直以來，教協有無道歉承認過錯？無！有無更換領導層改過自新？亦都無！乜咁就叫「讓步」咩? 好心蔡智強諗清楚先講啦！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk