大年初一，祝大家喜氣洋洋，身體健康！今年是肖羊，有咩經典人物同羊有關呢？咦，唔知大家知唔知，原來黃大仙是一位牧羊人嚟架。邊位黃大仙？咪就係大批善信經常會去黃大仙祠上頭柱香的那位黃大仙囉，他擁有「叱石成羊」的法力，同羊都好有緣。

另外，香港的第一套生肖郵票在1967年發行，當年都是羊年，香港掌故專家鄭寶鴻話，當年這套郵票產量少，很快就賣完；當年價格只是1.4元，現在值幾百蚊一套！