//口口聲聲話錢唔係最大嘅考慮，但辭任區議員嘅羅健熙一早就計好數，預100個居民捐200元，每月就有固定2萬元收入。講到尾，咪又係搲課金？//

正所謂「手足本是同林鳥，大難臨頭各自飛」。政府即將安排區議員今個月宣誓，大約有超過200個人唔符合資格，有機會被DQ取消資格兼追討上任以來嘅薪津，呢個消息引發大批區議員心虛跳船辭職，當中就包括尋日宣布辭任南區區議員嘅民主黨主席羅健熙​。佢話離任後要專心一致，唔需要持續受到DQ威脅而影響地區工作喎。

民主黨主席、南區區議會前主席羅健熙話：「錢未必是我最大的考慮，對我來說最重要的考慮是我自己是很希望我在區內的工作不受影響的。」

咦，羅健熙口口聲聲講到錢唔係最大考慮，但睇返區議員酬津安排，佢擔任南區區議會主席每個月有足足7萬元酬金，比普通區議員嘅3.5萬多咗成一倍。既然羅健熙每日都擔心不知幾時被取消資格，點解唔一早辭職要拖到今日，係咪想撈到盡啊？仲有仲有，唔做區議員，點樣維持區內工作呢？羅健熙又諗到一個好橋，佢話依家嘅存款足夠營運辦事處半年，但係之後就要靠居民捐款喇，講到尾，咪又係搲課金？

羅健熙又話，「如果居民願意的話，我們可以看他們有無人願意捐款，例如100個人每月肯捐200元的話，每月就有2萬元的財政來源了。」

哇，筆賬算得咁清楚，仲話唔係為咗錢？民主黨依家淨返20多個區議員冇辭職，立法會一早冇晒議席。睇嚟「清零」都係遲早嘅事。對於來屆立法會選舉民主黨會唔會派人參選，羅健熙就話喺9月舉行會員大會交由黨友決定，仲強調大家都同意民主黨要堅持落去。不過一個唔參選，冇議員嘅政黨，仲有存在嘅必要咩？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk