//「假‧韓寶生」王茂俊帶住8宗罪潛逃英國，有良心嘅話，就應該返嚟香港認罪啦！//

區域法院早前判處韓寶生暴動罪成入獄30個月。韓寶生呢個名係咪好熟呢?無錯，前年8‧31事件後，網上一度瘋傳一名叫「韓寶生」嘅人當日喺太子站失蹤或死亡，而呢位入獄嘅，就係「真‧韓寶生」；至於被傳死亡嘅「假‧韓寶生」、真名王茂俊因被控暴動、刑事毀壞、參與非法集結8宗罪，早已著草英國。

呢個「死而復生」嘅「假‧韓寶生」，正好反映咗反修例風波期間，啲謠言、假新聞係幾咁離譜。至於「假‧韓寶生」可能見真身入獄，自己喺英國又無人理、就即刻出嚟抽水，話咩咩咩初初嚟到英國覺得自己喺condom、又話咩咩咩愛可以轉化一切仇恨、仲希望香港人都唔好覺得自己係condom咁話喎~

之後，再嚟著草派技倆賣慘，話以前喺香港做嘅嘢、同埋朋友全部都要一刀切、連喺香港養嘅貓都過咗身，內心非常之難過，仲話喺英國的第一個月覺得自己很落魄、很潦倒喎!

講到幾咁悲情同委屈之後，戲肉終於嚟，佢話喺英國識咗個結他手，人哋帶佢去食物銀行做義工、又帶佢返返教會融入社區添，雙方仲合作創辦非牟利組織，話要將英國同抵英港人聯繫連嚟咁話。至於點聯繫就無多講，究竟係咪仲有下集叫大家課金，就要拭目以待，睇吓係咪著草課金方程式嘞。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk