//成立11年嘅新民主同盟正式解散，真係好行夾唔送，不過記得找番當初簽署「墨落無悔」嗰條數先～//

自中央出手制訂《港區國安法》及完善選舉制度後，攬炒派可謂人人自危。繼今年3月同民陣割席圖保平安，新民主同盟嘅人喺區議員宣誓在即之際，又有新招自保，該黨昨日（26日）在社交媒體發帖，話咩嘢「政治環境大不如前」，經過新民主同盟所有區議員大多數人嘅同意下，決定即日起解散喎，成立11年嘅新民主同盟正式玩完！

嘩嘩嘩，大家記唔記得舊年新民主同盟參加所謂「35+初選」係威係勢㗎，話咩咩咩「將和香港人在亂世中並肩同行，一同戰勝黑暗，重奪我們的香港」嘅，又高調以黨嘅名義簽署「墨落無悔」，當選後會以否決財政預算案，迫使特首回應訴求。政制及內地事務局局長曾國衞當時已經講到明，參與初選或違國安法，依家新民主同盟係咪諗住解散就當冇件事，唔使「找數」先？該黨大埔區議員關永業仲話「希望解散可保平安」，係咪諗得太簡單？

嗱嗱嗱，其實新民主同盟一早爆退黨潮，就算唔解散都遲早滅黨。范國威和譚凱邦因初選案自今年4月被羈押至今，佢兩個先後喺獄中宣布退黨。之後新民主同盟仲走完一個又一個，由原有19個區議員嘅地區大黨，到解散前只剩番8個區議員。新民主同盟過往為反而反，曾抹黑政府社區普及檢測計劃及抗議中央檢測人員來港，如今解散真係好行夾唔送。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk