//睇嚟吳敏兒真係越嚟越適應懲教院所內生活，又係嘅，佢因涉違國安法被拘押，睇怕有排都未能重獲自由！ //

本來飛來飛去、穿梭各國、如今被拘押嘅滋味係點？問吓曾經做過空姐嘅職工盟前主席吳敏兒就最清楚啦。近期有人去探羅湖懲教所探過佢後，好感慨咁話，咩咩咩想到吳敏兒曾經係天上自由飛翔的空姐，如今卻要困於狹窄囚室！

咪係囉，本來做空姐嘅吳敏兒搞工會爭權益，喺香港絶對合法，但弊在佢參與涉違國安法泛民35+初選喎！仲有，呢位探過佢嘅朋友再講多啲吳敏兒獄中生活，似乎唔係咁悲慘啫，因為吳敏兒瘦咗又精神咗！瘦身係唔少女人畢身事業，吳敏儀做到啦！

仲有仲有，探過佢嘅人仲話， 一個月前，有腰患嘅吳敏兒本來唔慣啲床太硬，瞓得唔好喎，但得囚友「醒佢兩招」，已經可以一覺瞓天光咁話！瘦咗又精神咗、仲有囚友照顧，睇嚟吳敏儀獄中生活都唔錯吖，既然咁適應，不如叠埋心水等審訊，找清條數囉！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk