//羅冠聰話喺香港犯法唔一定係錯？「攬炒巴」劉祖廸話要慶祝香港200歲生日及香港保衛戰100年？兩位通緝犯咁巴閉，不如返香港先喇！//

唔知係咪近排英國疫情逐漸好轉，一班從香港走佬過去嘅通緝犯們又開始蠢蠢欲動。是咁的，上星期六係反修例示威「6.12衝突」兩周年，涉違《港區國安法》「著草」去英國，正被香港警方通緝嘅前香港眾志成員羅冠聰，跑到一個喺倫敦舉行嘅所謂聲援集會上狂loop歪理，其中有一句係咁講的：「在香港犯法的人不一定是錯的。」

網民聽後表示：「既然吾會錯，點解自己首先着草？」；「係英國叫手足去送頭，自己係英國歏世界，你對唔對住你班兄弟啊」；「又怕死，又想威，講乜都無用，返嚟香港先講」。

更搞笑嘅係同場出席嘅另一個《港區國安法》通緝犯「攬炒巴」劉祖廸，話咩咩咩過去兩年經歷被捕、被襲擊及通緝，但從來都唔後悔。講到情緒激動嘅時候，佢仲開始時空錯亂，活喺平行宇宙?！ 

劉祖廸話：「我希望在香港200歲生日的時候，我們可以在光復了的香港，慶祝香港200歲生日以及香港保衛戰100周年。」

嘩嘩嘩，呢兩位走佬英國嘅難兄難弟，失去喺香港搞風搞雨嘅鎂光燈，竟然要靠比拼邊個歪理歪到震來博眼球？既然羅冠聰覺得犯法冇錯，點解鬼鬼鼠鼠匿喺英國唔敢返來？一班年輕人已經俾你之前嘅歪理荼毒到坐緊監仲嫌唔夠，仲想煽惑更多人出來送頭違法，係咩居心啊？既然兩位咁巴閉，就唔好得把口，自己返來先啦！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk