//籌錢、缺錢、再籌錢、再缺錢，然後又籌錢，究竟呢個套路，612基金要loop到幾時呢？咁樣「洗腳唔抹腳」，你仲捐唔捐呢？//

大新聞，大新聞，612基金又乾塘喇！出名大花筒，聲稱專門支援反修例示威者嘅「612人道支援基金」，今年4月先啱啱籌完1500幾萬，日前佢哋又聲稱再次「告急」。基金噚日喺社交媒體指，截至5月底，可動用結餘得返203萬，需要大家「籌旗」1500萬喎。

嘩嘩嘩，基金啲錢呢頭左手入，嗰頭右手出，究竟當中有幾多落到去「手足」手上，定係益班律師「自己友」先？咁樣「大花筒」三日唔埋兩日就告急，隔兩個月就要搲課金，真係多多錢都唔夠使喇。嗱嗱嗱，作為基金信托人之一嘅前立法會議員吳靄儀，之前係咁咦都會出嚟交代下，不過佢自從818非法集結案，被判囚12個月，緩刑2年之後就神隱咗咁，唔通諗住避得就避啊？

基金過往被外界質疑交交代清楚賬目，早前更被揭發無社團註冊，有逃稅嫌疑，更一直借用「真普聯」戶口收取捐款，仲被懷疑與外國勢力勾連，市民捐錢分分鐘會誤墮法網，捐定唔捐，係咪要諗清楚？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk