//郭榮鏗既然咁關心獄中兄弟，又喺度慫恿手足送頭，就唔好得把口，自己返嚟香港最實際。//   

正所謂「泛民猶如同林鳥，大難臨頭各自飛」，講嘅係就係呢對昔日公民黨嘅好黨友郭榮鏗同楊岳橋囉。因參與泛民「35+」初選被還押嘅前公民黨議員楊岳橋，6月5日喺獄中度過40歲生日。呢位早就攜一家大細遠走加拿大嘅好友郭榮鏗，就喺社交網站遙祝對方生日快樂。更形容楊岳橋「係從政路上難得遇到的好友」，仲話咩咩咩「今你身陷囹圄，身為好友的我只能每天向上主禱告，祈求你與牆內各人安好。祝你在亂世下的生日平安」，結尾來多一句：「兄弟，撐住啊！」

哇哇哇，真係針唔拮到肉唔知痛。郭榮鏗依家可以同家人喺加拿大團聚，唔使坐監又可以周圍去。而佢口中嘅好兄弟楊岳橋只能喺獄中同一班同路人苦中作樂。都唔知郭榮鏗呢番祝福係真心定係風涼話。倒不如祝楊岳橋「留案底令人生更精彩」來得實際啲。

唔單喺兄弟傷口上撒鹽，自己走佬嘅郭榮鏗仲叫手足繼續送頭。佢喺6月4日一早po出圖文，話咩咩咩「來個光明正大的紀念，衝擊這條不正常的底線」。嘩，當日警方早就宣布反對集會，郭榮鏗明知犯法仲曲線叫人去試底線，係咩居心啊？既然咁關心獄中兄弟，又喺度慫恿手足，就唔好得把口，不如自己返嚟香港最實際。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk