//無論社民連係故意定係心虛而唔參選，選委會同立法會都少咗一堆搞事搞非嘅人，絕對係可喜可賀！//

講到搞風搞雨，社民連一班成員絕對係專家。點知連扯白旗佢哋都要爭第一。完善選舉制度嘅法例上月尾刊憲正式生效，一眾泛民政黨中，社民連尋日第一個撲出來宣布，不會參與今年選舉委員會界別分組選舉同立法會選舉喎。而佢哋嘅理由呢，就話咩咩咩「不滿新制度變相廢除公民提名權，認為香港嘅制度已喪失公平公正性，不能依賴議會推動民主運動」。咦，選戰未開始就棄權，點解嘅？

嗱嗱嗱，不如同大家點算一下社民連四頭目有咩下場：副主席長毛同秘書長吳文遠分別涉多宗罪踎緊監，最新鮮滾熱辣一單判刑，就係前年10.1未經批准集結案，長毛夾埋要坐22個月，吳文遠總刑期係14個月14日。至於另一個副主席岑子杰涉民主派「35+」初選，被控串謀顛覆國家政權罪，不准保釋還押候訊。而主席黃浩銘因佔旺刑事藐視法庭、佔中等案坐完監，但因為監禁期超過3個月，法例規定5年內不得參選。況且新選舉安排要「愛國者治港」，你哋係成日打住反國家嘅旗號，係咪「愛國者」大家心中有數啦。係咪心虛怕入唔到閘先打定輸數呢？退一萬步，你哋成日搗亂做騷博收工，就算俾你哋入到議會，隨時咪又係被DQ！

網民指：你地莊都輸埋，揾咩嚟參選?有網民指：係怕死定係明知入唔到閘呢？另一位網民：無誠意，淨係退出今年……永久就差不多。

社民連嘅聲明仲話，要叫埋民主派嘅同道齊上齊落。如果係真嘅，真係天大嘅好消息，由黃毓民掟杯、長毛搶文件，社民連將暴力帶入議會，其他泛民仲變本加厲。選委會同立法會如果少咗呢啲搞事嘅人，香港市民真係有福了。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk