//為咗幫黎智英等10人「洗白」，陳文敏真係無所不用其極，不過佢講嘢一時一樣，相信明眼人都知唔合理囉～//

壹傳媒創辦人黎智英等10人，被控前年10月1日組織未經批准集結等罪，當中8人判囚14至18個月，可謂罪有應得。不過近日就有攬炒派頻頻出似乎想幫10人「洗白」喎，其中一個就港大法律學院公法講座教授陳文敏。

陳文敏指涉案有不少人長期為社會服務，長期主張「和理非」一些理性溫和的人士，但認為判刑起點相當之高。「所有人都沒有參與任何暴力，所有人都不是在暴力現場範圍，如果將所有暴力行為，歸咎於這班被告身上似乎不是很公平。」

嘩嘩嘩，一句「和理非」就將黎智英等10人嘅罪責推得一乾二淨，陳文敏會唔會兒戲咗啲啊？唔好唔記得，佢哋10人個個都認罪，無得抵賴啵，而且如果唔係佢哋當日搞非法遊行，之後點會有人趁機出嚟打砸燒啊？陳文敏話晒都係名譽資深大律師，咁簡單嘅邏輯無理由唔知㗎？

 嗱嗱嗱，陳文敏嗰頭話咩咩咩法官無考慮佢哋10人，想搞和平遊行嘅意圖，不過轉個頭又認同喺當時社會環境搞集會，組織者有責任考慮會唔會引致暴力事件喎。「如果話社會當時比較動盪的時候，組織者應該考慮到集會會否引致這樣(暴力)的情況。」點解一時一樣、前言不對後語嘅？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk