嘩嘩嘩！咩咁大劑呀？十幾人踢阿SIR個頭？攞人命呀？攪到咁混亂，咪因為熱血公民同本土民主前線尋日話去屯門示威，好地地咪遊行囉，阿SIR都幫手維持秩序架，結果成批示威者衝哂入去屯門時代廣場，攪到衝突連阿SIR都揼埋，真係佛都有火，咩暴力可以解決到問題架咩，仲有呀，啲遊行人士係咁講哂粗口舉哂粗口手勢咁，好鬼唔理性囉，唔怪之得電台節目主持人都要串爆你地呀！

拜託你，唔好搵野來賴啦，明知唔啱，做發言人都唔去引導下啲示威者？和平非暴力呀，總之身體暴力語言暴力一切暴力都要NO NO NO，仲有呀，呢個發言人居然仲夠膽講，有市民拍哂手掌撐佢地喎，喂喂喂，咁你又知唔知，有市民多得你地唔少啫，攪到個商場變成戰場，如果話水貨客擾民，咁你地示威者嘅行為只會係亂上加亂囉！BY THE WAY，政府而家咪做緊野囉，最近定左喺落馬洲皇巴站附近起個邊境購物城，仲有呀，入境處過去幾個月拒絕了2萬5千個懷疑水貨客入境，聽到未呀？用暴力示威，倒不如諗下啲建設性嘅野好過啦！