//既然知道鐵窗生活咁難捱，希望何俊仁呢班反對派唔好再帶頭犯法，誤人子弟啦！//

民主黨前主席何俊仁本月17日於區域法院外稱：「我們失去自由主要是為了讓更多市民能夠和平有序發聲，行使其公民權利，我們絕對義無反顧。」

嗱嗱嗱，咩叫講就天下無敵，做就無能為力。睇吓民主黨前主席何俊仁就知啦。話說佢同黎智英等10人，被控前年10.1煽惑未經批准集結等罪，被法庭撤銷保釋而還押候判。佢嘅前黨友朱順雅前幾日去探監，話何俊仁囚禁係單人倉，瞓唔好、食唔夠、汗水不斷「洶湧」直流，仲話佢咩咩咩「面容頗為憔悴」喎！

之不過，早排何俊仁先豪言壯語話「成世人未食過阿公嘢、食阿公飯、着阿公衫，唔同佢客氣喇，今次使到佢盡」，仲話咩咩咩「獄中嘅佢，心靈係自由」，「情願自己入埋去坐監」。依家真係求仁得仁，做乜咁快就撐唔住？

翻查資料，今次係投身社運逾30年嘅何俊仁，首次身陷牢獄。反對派成日講到坐監好似讀書，報興趣班咁輕鬆，人生幾咁精彩，依家到自己承受，就即刻喊苦喊忽。點對得住獄中一班被佢哋煽動出嚟衝嘅手足呀？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk