//因為涉勾結外國勢力搞到自己一身蟻，肥佬黎都有今日啦～//

呢排天氣酷熱，不過有一單新聞令人透心涼﹗講緊嘅就係被控「勾結外國或者境外勢力危害國家安全罪」嘅黎智英，呢個「禍港金主」被凍結資產﹗保安局局長日前出新聞稿公告天下，引用《港區國安法》凍結黎智英持有嘅逾71%壹傳媒股份，估計涉款超過3億。黎智英另外3間本地銀行帳戶入面嘅資產，亦都被凍結埋添。

哇哇哇～「毒果」咁多年嚟反中亂港、「生安白造」上晒腦，廣告商邊敢黐埋去丫？去年話經營困難告急，黎智英拍心口，話自己大嗱嗱墊支咗5.5億喎。不過當局已經去信中央結算有限公司，要求停止曬黎智英持有嘅股份進行實體買賣，冇得動用資金、冇得變賣資產套現走資，冇得抵押貸款，資金鏈通通斬纜，仲點泵水呀？

真係咁啱得咁橋，喺黎智英被凍結資產嘅同一日，壹傳媒旗下嘅台灣《蘋果日報》話虧損持續，宣布星期二起停刊，發展網上媒體喎，326名員工要執包袱走人。睇來喪鐘已經敲響，有傳香港《蘋果》近日亦出現離職潮。公司搞成咁人人自危，與其唔知幾時輪到自己被裁飯碗不保，早日跳船割席都無可厚非啫～

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk