//嘩！平均100元一餐，林卓廷還押中都食得好豪噃！可憐好多基層死慳死抵，都無咁好享受呀！//

唔食！唔食！終於咪又係食。講緊嘅咪係因為參與涉嫌違法的泛民「35+初選」而被拘捕還押嘅林卓廷囉。是咁的，佢個FB上個月23號仲貼文，話咩咩咩還押期間食唔飽、兩星期條腰就瘦咗4吋，幾咁慘！仲話兩個幾月嚟都有人勸佢不如趁還押期間，仲可以自費訂膳食，食私飯養好身體，佢當時仲好勁咁話，遲早要適應獄中飯菜「無謂洗成萬銀一個月食私飯。」點知，最新消息，係佢已經開始食私飯。

嘩！食私飯原來每個月要用成萬蚊，以一個月30日計，平均一日至少300元膳食費，即係平均一餐成百蚊，睇嚟佢還押中嘅飲食享受，仲好過好多奉公守法、卻要為生活奔波嘅基層市民，睇新聞都見唔少基層家庭一家幾口，一餐預算都係幾十元，林卓廷1個人都食得幾豪噃！好想知呢筆私飯錢，究竟係咪「手足」課金呢？睇返佢4月個貼文，明明話唔食私飯，係唔想花錢食私飯而負疚噃！若果用自己錢，對自己好啲，應該唔會負疚啩?

探望過佢的邵家臻仲話，轉食私飯後，林卓廷已經無肚餓問題，而家反而要勤做運動，以免發胖咁話喎!還押到要減肥，真係無得頂呀！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk