//畏罪著草嘅許智峯如果真係對有關案件咁上心，好心就唔好越洋「打嘴砲」，回港找數先講啦！//

咩叫輸打贏要？許智峯就係最好人辦喇。身負三單案件、九宗控罪被香港警方通緝、潛逃到澳洲嘅前民主黨立法會議員許智峯，離港前曾就律政司介入前年西灣河警員開槍案、及深水埗的士司機撞人案提出司法覆核。不過高院法官日前拒批有關覆核，更斥責許智峯潛逃，唔尊重司法尊嚴。事後許智峯就勁唔服氣，仲係社交媒體出PO鬧返法庭轉頭，話咩咩咩「法官墮落已至極致」、淪為「共產黨的法庭」喎。

嘩嘩嘩，攬炒派政客成日口講「尊重法治」，但唔批覆核就輸唔起話係「人治」，依家許智峯仲要出言侮辱法官?！其實法官已解釋得好清楚，話許智峯喺兩宗私人檢控中都無個人利益，保障逃犯權益嘅原則係不適用，亦都唔影響案件中有關人士申請索償嘅權利。嗱嗱嗱，聽到未啊，好心許智峯唔好發爛渣啦！

自己著草唔知醜，許智峯反而惡人先告狀，就連網民都睇唔過眼，紛紛留言鬧爆佢！有網民稱：「你都唔係香港，講乜鬼呀！」又有網民說：「你返黎找數先啦」，甚至有網民指：「你作為逃犯，亦不去面對法律之人，有乜資格係度講法律，你選擇逃避就唔好再批評什麼不公，收吓口啦，抽水你就叻！」

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk