//洪駿軒今次眾籌失敗嘅結果，可以話係「手足」對成日開口埋口攞錢嘅攬炒派大大力摑咗一巴。//

早前因涉嫌惡意抹黑選舉對手鄭強峰，被法庭裁定非妥為當選嘅民主黨觀塘區前區議員洪駿軒，為保飯碗竟向市民「埋手」，前排搵埋黨主席羅健熙出面，想眾籌大嗱嗱100萬話打官司上訴喎，仲話如果上訴到終院，預計要300、400萬添，點知⋯⋯最後佢籌得嗰15萬。

其實鬼叫你班攬炒派，次次話打官司都搞眾籌，依家香港人先冇咁蠢再畀你哋當提款機呀！洪駿軒接受傳媒訪問，話因為眾籌成績不理想，民主黨又有多個黨友面對刑事訴訟，黨內經濟情況好難再繼續支持佢嘅訴訟案，又話攞過啲法律意見話對勝訴不樂觀，而決定撤回上訴申請喎，正式被DQ，衰咗！


嗱嗱嗱！班攬炒派今鋪仲唔露出尾巴？如果法律意見都話對勝訴唔樂觀，點解一早又要籌錢打官司先？明知佢確實係非妥為當選，都要Cap市民水，仲話「眾籌所得將全數用於支付訟費」，即係又落入黃色律師圈嘅口袋啦，呢個洪駿軒仲厚臉皮到話，會考慮係咪參與區議會補選，咩咩咩唔打算離開香港，「手足」真係要時刻警覺，咪墜入騙徒圈套呀！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk