//一時大聲夾惡因為7.21事件要告一哥，一時又話自己「心力交瘁」唔告。林卓廷究竟點解反口覆舌，大家估下？//

咩叫「有頭威冇尾陣」，講嘅咪就係林卓廷囉。呢位民主黨前立法會議員，前年喺7.21事件時出現喺元朗地鐵站現場，受傷之後就大聲夾惡咁要民事控告警務處處長鄧炳強。唔單止申請咗612基金，仲請來民主黨前主席何俊仁等一班律師團隊幫手打官司，原本以為佢要搞幾咁大龍鳳出嚟，結果尋日仲還押嘅林卓廷突然通過民主黨發聲，話自己又唔告一哥囉喎。

民主黨中委莊榮輝話，「他（林卓廷）自己自由無期，加上考慮到香港最近的政治和法治狀況，實在難以繼續漫長和複雜的訴訟」。

至於林卓廷點解痛下決心，放棄告一哥，民主黨前主席何俊仁就幫佢講咗一大堆九唔搭八嘅理由。何俊仁話，「林卓廷百分之一百不是受政治壓力，當時他曾經講過一句說話，『你們不用擔心，有什麼事我包底』，我真的不知他包不包到底」，何俊仁仲話，「因為被告是警務處處長，他一定會傾全力，傾洪荒之力來答辯。」

哇哇哇，係你哋亂搞一通要告一哥，如果到法庭，人哋梗係要努力自證清白喇，有咩問題啫？何俊仁仲話，過去搜集咗好多證據，有合理勝算機會，但擔心如果敗訴要支付嘅訟費實在太貴，因此林卓廷希望將612基金騰出來嘅錢幫其他人喎。咪住先，既然咁自信自己有理，點解又擔心敗訴嘅？你哋個612基金前前後後籌款2億幾元，最新結餘只剩142萬，仲被質疑資金來源。林卓廷係咪擔心「小金庫」隨時乾塘先決定撤銷控告啊？仲有仲有，何俊仁話林卓廷多案喺身，心力交瘁，已經失去信心​。唔係掛，你哋班喺監倉嘅手足講到踎監幾健康，幾精彩，點會心力交瘁啫？講到尾，究竟林卓廷點解知衰唔告一哥，大家自己諗喇。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk