//成日話同手足齊上齊落，不過陳志全以後唔會同手足一齊出來行喇，唔會參與群眾活動。不過網民篤穿佢搞咁多嘢都係博減刑，大家點睇？//

攬炒派跳船名單又增添一員，今次輪到「慢必」陳志全。佢涉「35+初選案」違反國安法，仲還押緊，星期日傍晚透過細妹發聲明，話已正式向人民力量辭去主席一職，退出人民力量，不再參與或協助選舉活動。民主派人士輪住退出政壇﹐「慢必」退都要退得出位過人，佢話不會參與任何遊行、集會、示威喎，零舍淆底過人。

成日話同手足齊上齊落，不過陳志全以後唔會同手足一齊出來行喇，聲明話以後唔會參與群眾活動，淆底到好似「慢必」咁真係第一次見。做咩忽然船頭驚鬼，船尾驚賊先？網民就覺得成件事相當有可疑。有網民質疑陳志全「退乜！退物！為減刑早日出來又搞過？邊到可以咁便宜的」「找咗數先啦！呢啲人講野，信唔過呀！」

人民力量喺Facebook回應，話感激前新界東立法會議員陳志全無私付出同犧牲喎，不過似乎越兜越衰囉。陳志全當議會係摔角場，赤腳四圍撞，又成日唔守規矩被保安抬離場，乜呢啲叫鞠躬盡瘁咩？乜掟臭彈可以捍衛香港核心價值咩？陳志全會真誠擁護《基本法》效忠特區咩？好明顯就係預視到自己參選「此路不通」啦﹗將啲嘢調轉晒來講，真係聽到人懷疑人生﹗依家主席「慢必」退黨，副主席「快必」又坐監，人民力量幾時冚旗執笠呢？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk